تحمیل اللطمیة ذات عنوان"يالزاير طوف طوف طوف حضرتها"
الرابط للتحميل :
http://yahusain2.persiangig.com/audio/Yal%20Zayer%20Toof%20Hadhratha%20-%20basim.mp3يالزاير طوف طوف طوف حضرتها
و بعينك شوف شوف شوف هيبتها
لو ماتت زينب مظلومة
ما ذلت عاشت محشومة
طوف بكل يقينك و انظر القدرة
و ادرك هالشموخ بعقلك و فسره
شلون دخلت الى هالبلد متيسرة
اميره على الحزن و اليسر منتصرة
و بتاج الكرامة اصبحت مفتخرة
و بنور الجلالة اتنور الحضرة
بحساسك زور زور مرقدها
تسلتهم نور نور من عندها
و اتذكر فضل المعصومة
ما ذلت عاشت محشومة
زينب خالق الاكوان سماها
من بلغ باسمها المصطفى طه
زينه من الجنان الحيدر انطاها
و خل انشوف يا بيت الي رباها
امها فاطمة راد الله مرضاها
و ابوها سيد الثقلين و اتقاها
من اشرف بيت بيت منبعها
من تخطب ريت ريت تسمعها
حيدر غذاها من علومه
ما ذلت عاشت محشومة
اشرح لك وضعها من صغر سنها
و احجيلك مناقب بالصبر عنها
و احسب لك اسهام اشكثر صابنها
دوهنها الزمان بغدر دوهنها
يوم الباب كسرو جم ضلع منها
ما بطل دمعها و لا هجع ونها
زينب من طاح طاح طاح والدها
ذاك العز راح راح من عندها
يتمها و ظلت مالومة
ما ذلت عاشت محشومة
زينب عن صبرها جم خبر مذكور
و اصعب خبر يوم العاشر بعاشور
وبيا حال ما بين الضحايا اتدور
و خاطرها الغريبة من الحزن مكسور
و شالت بين ايديها جثة المنحور
و اتوجهت للباري بقلب مجمور
هاك انظر حال حال حال بنت حيدر
و المدمع سال سال سال علـ منحر
هذا اعظم موقف بالحومة
ما ذلت عاشت محشومة
اقصد زينب بقلب الـ يجد ازحوف
هاي الي اسمها بالقدر معروف
و كان الها ستر متميز و موصوف
و تطول العقيلة خيال ما مشيوف
و لا صوت المثل باقي النساء مألوف
تال امست سبية و بالاقطار اتطوف
شافت جم عين عين عين حالتها
عن زينب وين وين وين ياخوتها
تنخاكم نخوة مهضومة
ما ذلت عاشت محشومة
زينب هاي زينب آية التمجيد
جاه وينه الامير و وين قصره يزيد
هاي الوقفت اقباله الحبل بالايد
قالت له يطاغي اش ما تريد اتكيد
ما تمحي ذكرنا اتعيش ظن بعيد
توبيخه و ذمك جا بعد شيفيد
تنتظرك نار نار نار ما تطفى
و يفضحك عار عار ما يخفى
و هاي الـ دخلت لك مهمومة
ما ذلت عاشت محشومة
اللهم صلى على محمد و آل محمد